there is blood on the street..........

സീൻ 1,ഇറാഖ്


അവിടെ
എരിയുന്ന അഗ്നിയുണ്ട്
വട്ടമിട്ടു പറക്കുന്ന
കഴുകന്മാരും
തലയറുക്കപ്പെട്ട കിനാവുകളും
വിലയ്ക്കെടുക്കപ്പെട്ട ചിന്തകളും
വിലങ്ങു വയ്ക്കപ്പെട്ട ജീവിതങ്ങളും
(അന്താരാഷ്ട്ര മീഡിയായിൽ നിറഞ്ഞു നിൽക്കുന്ന ചുവന്ന ഇറാഖ്)


സീൻ 1B;


കർബലയിലെ തെരുവുകളിൽ
“ഫെഡറൽ ഇറാഖ്
എന്ന എറിഞ്ഞുടയ്ക്കപ്പെട്ട ‘സ്വപ്നം’
ചോര വാർന്നു കിടക്കുന്നു


സീൻ2, പാലസ്തീൻ


അൽഹുസൈനിയുടെയും
ഹസൻ സലാമയുടേയും
ചോരയൂറ്റിക്കുടിക്കുന്ന
ഷാരോൺ
നരച്ച നനുത്ത താടിയും
ചുണ്ടിൽ പുഞ്ചിരിയുമായി
ശഹാദത്ത് വരിച്ച
അഹമ്മദ് യാസീൻ
there is blood in the street...(നെരൂദയുടെ വിലാപം ഓർക്കുന്നു)


സീൻ 3,അമേരിക്ക....


കെന്നഡിയുടെ മുന്നറിയിപ്പ്
“വിയറ്റ്നാംവത്കരണം വീണ്ടുമൊരു വിയറ്റ്നാംവൽക്കരണം”
ബുഷും ഡിക്ചെനിയും
ഞെട്ടിയുണരുന്നു
റംസ്ഫെൽഡും വുൾഫോവിറ്റ്സും
പുതിയ കുരിശുകൾ തീർക്കുന്നു


സീൻ  4 ഇറാഖ്(വൈഡ് ഷോട്ട്)


അധിനിവേശത്തിനെതിരെ
ഇൻ തിഫാദയുടെ
മണികൾ മുഴങ്ങുന്നു
പുതിയ പ്രഭാതങ്ങൾ...
ഉയിർത്തെഴുന്നേൽ‌പ്പ്..
കത്തിയമരുന്ന
ഫല്ലൂജയിൽ വിപ്ലവം(?)
മുള പൊട്ടുന്നു
അകലെ എവിടെ നിന്നോ
“ലാ ഇലാഹ ഇല്ലല്ലാഹ്
മുഹമ്മദുർ റസൂലല്ലാഹ്”...........................